Galicia posúe unha antiga e fonda tradición mariñeira, reflectida en multitude de manifestacións materiais e espirituais. Unha desas manifestacións é o remo. O noso deporte segue a perdurar na costa galega, a pesar das feroces acometidas dese omnipresente monstro devorador da identidade dos pobos chamado globalización. Por sorte, Mera nunca se converteu nun sitio máis deses que lle dá as costas á súa historia.